حب قحاطني ساقني للشقا سوق

ارشيفية تعرضت للسرقة في كثير من المنتديات اعرضها هنا للتوثيق !

#poem_4b279f65631ef td {
font-family: tahoma, verdana, arial, helvetica, sans-serif;
font-size: medium;
font-weight: bold;
}

إن جيت تبغى الصدق مو قول
مكذوب قلبي تولع في وصال قحَطَاني 0
أنا حضرية وأعشق البدو وأذوب
لامن طرولي مهجتي لو ثواني
بداوته نهجٍ يميزه بفروق
عن كل خكري ملتهي بالغواني
ماقد لبس ميدي ولاجنز مشقوق
وماهوب راعي للخنا والأغاني
مركوبته لاندٍ ولافيه عذروب
غير أن قربه مستحيل وأماني
عقل وثقل لاهوب جاهل ومطفوق
ساعة عرفته صار فكري يعاني
كم انحدر دمعي على صافي الموق
أخاف حبه ينكشف أو يبانِ
ياويل حالي بالحشا جرح مفتوق
استصعبت طبه دكاتر زماني
وشلون بسلى عنه وفي قلبي الشوق
يعزف لحن قاسي بحدب المحاني
وياكيف بوصل له وأنا عفتي طوق
تمنعني أمشي في الدروب الطماني
ياراعي المخفر ترى القلب مبيوق
سجل بلاغ وعمم أوصاف جاني
راعي كروزر اطخم وله بعد نوق
مملوح وأسمر ويحكي بإتزاني
حب قَحَطاني ساقني للشقا سوق
قتيل عشقه مو قتيلة سناني
لامن خطبني خاطبٍ صابني عوق
مابدل الغالي وحبه بثاني
وحنا نسبنا يعتلي بالرجل فوق
من ذكر أبوي القرم الضيغماني
وأنا محط أنظار من يملك الذوق
كم من عجوز إلولدها تباني
يامن يبلغ صاحبي راعي النوق
أني بعنس ماذكرني وجاني
قولوا له: ألحق وأخطب البنت بسبوق
قبل يخطفها منك رجال ثاني؟!! 0

بقلمي